29. júlí 2010 Mikill viðbúnaður verður nú um helgina hjá Slysavarnafélaginu Landsbjörg.
Sjö björgunarsveitir munu taka að sér gæslustörf í Landeyjahöfn en gert er ráð fyrir mikilli umferð á svæðinu.  Björgunarsveitir verða einnig með öryggisgæslu um borð í Herjólfi en hann siglir 6- 8 ferðir á sólarhring yfir verslunarmannahelgina    Einnig verður Atlantic 75 björgunarbátur Björgunarsveitarinnar Suðurnes og áhöfn í Bakkafjöru á vöktum fram á mánudagskvöld.  Sveitir sem sinna gæslustörfum eru Flugbjörgunarsveitin Hellu,Björg Eyrarbakka, Mannbjörg Þorlákshöfn, Hjálparsveit skáta Hveragerði, Árborg og Sigurvon í Sandgerði. 
Að auki eru björgunarsveitir víðsvegar um land að störfum í kringum viðburði tengdum þessari miklu ferðahelgi.
Hálendisvakt SL er einnig í fullum gangi og hefur verið töluvert að gera hjá þeim sveitum sem eru upp á hálendinu vegna vatnavaxta í ám.  Fjórar björgunarsveitir eru staðsettar á hálendinu yfir sumartímann. 


Til baka