Menu
logo
Vörukarfa
0
Opna körfu
Samtals 0 kr.

Enn leitað að fé á Norðausturlandi

Björgunarsveitafólk frá Húnavatnssýslum Breiðdalsvík er leita að og smala fé á Norðausturlandi. Ráðgert er að leita Þeistareyki þar sem eru um 4000 kindur og Reykjaheiði en áætlað er að um 2000 kindur séu þar. Einnig á að ljúka leit í Mývatnssveit en þar á eftir að leita á einum bæ af fjórum þar sem fennti yfir fé.  

Um 100 manns frá björgunarsveitum taka þátt í leitinni á Þeistareykjum og Vaðlaheiði og nota til þess tugi vélsleða, snjóbíla, fjórhjól, kerrur og önnur tæki. Alfarið er notast við tækjaflokka björgunarsveita en ekkert göngufæri er á svæðinu. Það er hættulegt og erfitt yfirferðar og því reynt að hafa staðkunnuga aðila í hverjum hópi.

Annar hópur björgunarfólks er við leit í Vaðlaheiði, Flateyjardal og Bárðardal. Um 4-5000 fjár eru á því svæði, flest á Flateyjardal. Þar er ástandið þó skárra en víðast annarsstaðar þar sem grunnt er á fénu. Í Vaðlaheiði er dýpra á því en þegar farið var á heiðina í gær var ástandið viðunandi þar sem allt fé sem fannst var á lífi.
 
Efsta myndin er frá því í morgun og sýnir björgunarsveitir á leið á Þeistareyki. Hana tók Magnús Viðar Magnússon, formaður Súlna - Björgunarsveitarinnar á Akureyri.
 
Myndir 2-5 tók Magnús Viðar á Mývatni í gær og myndir 6-9 tók Hallgrímur Óli Guðmundsson, formaður Hjálparsveitar skáta í Aðaldal, á Þeistareykjum síðdegis í gær.
 
Smellið á myndirnar til að sjá þær stærri.
 
 

Til baka Hringdu



Gerast bakvörður