Sjálfboðaliðar björgunarsveitanna sinna sínu mikilvæga starfi til hliðar við hversdagslífið. Öll þurfum við að sinna vinnu eða skóla ásamt fjölskyldu og vinum og okkar skyldum í daglegu lífi. Á sama tíma aukast kröfur til okkar sem björgunarfólks og við sjálf verðum meðvitaðri um mikilvægi þekkingar og þess að fylgjast með því nýjasta sem er að gerast hverju sinni á sviði leitar og björgunar. En tíminn er af skornum skammti og mikilvægt að nýta hann sem best. Á meðan Björgunarskólinn reynir að koma til móts við þörfur björgunarfólks um gæði þjálfunar og góða nýtingu á tíma sjálfboðaliðans er einnig mikilvægt að björgunarfólk hafi í huga einkunnarorð félagsins, forysta, fórnfýsi, fagmennska. Í þessum orðum felst ekki eingöngu loforð okkar um það að koma til hjálpar þegar á þarf að halda heldur líka loforð um að fórna tíma okkar í menntun og þjálfun til að auka fagmennskuna og vera í forystu í leit og björgun á Íslandi. Þegar allt kemur til alls þá ber hver og einn björgunarsveitarmaður ábyrgð á sér og sinni menntun. Sýndu ábyrgð og sæktu þér menntun.

 

 

 

Segja má að verið sé að umbylta menntun björgunarskólans eða öllu heldur því hvernig henni er komið til skila. Breytingarnar byggja á eftirfarandi 4 þáttum:

 

Björgunarsveitafólk sem ekki hefur nýlega skráða grunnmenntun hjá skólanum geta farið inn á vef skólans og tekið sjálfsmat í flestum fögum Björgunarmanns 1. Niðurstaðan úr því getur verið ein af þremur: Þú kannt ekki efnið og þarft að fara á grunnnámskeið, þú hefur góðan grunn en ættir að sækja endurmenntun eða þú hefur staðgóða þekkingu á efninu og þú átt möguleika á að standast formlegt stöðumat í þínu fagi.

Þeir sem hafa góða þekkingu á tilteknu fagi í björgunarmanni 1 geta tekið formlegt stöðupróf þar sem þeirra þekking er metin að verðleikum í viðtali við leiðbeinanda björgunarskólans. Fyrsta veturinn mun þetta stöðumat fara fram á endurmenntunarhelgum skólans um land allt.

 

Þeir sem hafa góðan grunn og reynslu geta sótt endurmenntun sem jafngildir grunnnámskeiði og tekur á því mikilvægasta og nýjasta í hverju fagi. Veturinn 2010-2011 verður endurmenntunin kennd á endurmenntunarhelgum um allt land.

 

Björgunarmaður 1 og á endanum önnur námskeið Björgunarskólans verður færð í fjarnám að eins miklu leyti og hægt er. Þannig mun mest allur bóklegur hluti grunnnámskeiðanna færast í fjarnám sem nemendur geta tekið á nokkurra vikna tímabili. Þátttaka í fjarnáminu mun síðan stýra staðsetningu verklega hluta námskeiðanna þegar bóklega hlutanum er lokið.

 

Ýmist efni tengt fjarnámi: