Slysavarnafélagið Landsbjörg eru samtök björgunarsveita og slysavarnadeilda. Aðildareiningar þess eru fjárhagslega sjálfstæðar. Innan þeirra starfa sjálfboðaliðar sem sinna mikilvægum verkefnum fyrir samfélagið. Reksturinn er afar kostnaðarsamur sem felst meðal annars í þjálfun og menntun félagsmanna, rekstri húsnæðis og tækja ásamt þeim forvarna- og slysavarnaverkefnum sem sjálfboðaliðarnir sinna.
Á meðan þjóðin treystir á félagið treystir félagið hins vegar á fjárhagslegan stuðning almennings og fyrirtækjana í landinu.
Einingarnar afla sér fjár með ýmsu móti líkt og flugeldasölu, kaffisölu á mannamótum, gæslu, dósasöfnun, jólatrjáasölu, sölu Neyðarkalls svo eitthvað sé nefnt. Félagið aflar einnig fjár til reksturs og úthlutunar fjármagns til eininga þess.
Samkeppnisrekstur
Slysavarnarfélagið Landsbjörg heldur úti ýmsum fjáröflunarleiðum. Tvær þeirra eru skilgreindar sem samkeppnisrekstur skv. ákvörðun Samkeppniseftirlitsins. Um er að ræða sölu félagsins á sjúkrakössum annars vegar og hins vegar innflutningi og sölu á flugeldum í heildsölu til aðildareininga. Báðar einingarnar hafa verið mikilvægur þáttur í fjáröflun á starfsemi félagsins og aðildareininga um árabil.
Aðskilnaður, rekstur og uppgjör samkeppniseininga
Í samræmi við ákvarðanir Samkeppniseftirlitsins (SKE) er rekstri samkeppniseininga félagsins haldið aðskildum sem sér rekstrareiningum í bókhaldi og uppgjörum félagsins. Gerð eru sérstök rekstraruppgjör fyrir báðar einingarnar með reglubundnum hætti en þær eru svo hluti af heildarrekstri í ársreikningi félagsins. Velta og beinn kostnaður eininganna er færður á rekstur þeirra og hlutdeild í sameiginlegum kostnaði og viðskipti við félagið sjálft eru byggð á armslengdargrunni sem jafnan er raunkostnaður að viðbættu álagi. Einu tekjur deildanna eru sala til þriðja aðila og björgunarsveita.
Árlega staðfestir endurskoðandi félagsins að rekstraruppgjör samkeppniseininganna liggi fyrir og að viðskipti milli þeirra og félagsins séu á armslengdargrunni . Frá og með ársuppgjöri 2021 mun staðfesting endurskoðenda verða birt hér.
- Kennitala félagsins er 560499-2139
- Bankareikningur er 133-26-000555
- Lögheimili þess er Skógarhlíð 14, 105 Reykjavík