Menu
logo
Vörukarfa
0
Opna körfu
Samtals 0 kr.

Ekkert ferðaveður á morgun

Slysavarnafélagið Landsbjörg vekur athygli á spá Veðurstofu Íslands fyrir morgundaginn, mánudaginn 17. apríl. Við hvetjum ferðalanga til haga ferðum sínum samkvæmt spánni og nýti daginn í dag eða kvöldið til að halda heim.

Samkvæmt tilkynningu Veðrustofunnar má búast má við að vindhraði nái víða 20-25 m/s á suðvestan- og vestanverðu landinu um og eftir hádegi á morgun, sums staðar 28 m/s við fjöll ásamt mjög hvössum vindhviðum. Veðrinu fylgir talsverð úrkoma, fyrst snjókoma en síðan slydda eða rigning. Viðbúið er að skyggni verði slæmt og ferðaveður sums staðar mjög slæmt.

Á Hellisheiði fer að snjóa kringum hádegið og fljótlega eftir það má búast við lélegu skyggni. Fer líklega ekki yfir í slyddu eða rigningu fyrr en undir kvöld.  Búist er við mjög hvössum vindhviðum á Kjalarnesi, undir Hafnarfjalli og víða á norðanverðu Snæfellsnesi.

Veðrið gengur til norðausturs yfir land og hvessir mikið á Steingrísfjarðarheiði og Holtavörðuheiði síðdegis með skafrenningi og lélegu skyggni. Snýst í mun hægari suðvestanátt fyrst vestanlands seint annað kvöld.

 

Til baka Hringdu



Gerast bakvörður