Menu
logo
Vörukarfa
0
Opna körfu
Samtals 0 kr.

Eldur í bát við Vopnafjörð

Björgunarskip Slysavarnafélagsins Landsbjargar á Vopnafirði var kallað út rétt fyrir átta í kvöld, fimmtudag vegna elds í bát um 2,6 sjómílur utan við Vopnafjörð. Einn skipverji var um borð og þurfti hann að yfirgefa bátinn og sjósetti því gúmmíbjörgunarbát. Björgunarskipið er á leið á staðinn en að sögn amar ekkert að skipverjanum en auk björgunarskipsins er nálægur bátur á leið til aðstoðar. 

Uppfært kl. 22:00

Skipverjinn var tekinn um borð í nálægan bát og siglt var með hann til lands. Áhöfn björgunarskipsins slökkti eldinn og hóf drátt á bátnum til lands. Eldurinn kom upp aftur og svo fór að lokum að báturinn sökk. 

Til baka Hringdu



Gerast bakvörður