Menu
logo
Vörukarfa
0
Opna körfu
Samtals 0 kr.

WOW air afhentir Slysavarnafélaginu Landsbjörg rúmar 20 milljónir króna

Frá afhendingu söfnunarfjár við húsnæði Björgunarsveitar Hafnarfjarðar

Þann 4. september 2017 tók Þór Þorsteinsson, varaformaður Slysavarnarfélagsins Landsbjörg, við ávísun upp á 20.655.210 krónur frá aðstandendum hjólreiðakeppninnar WOW Cyclothon. Upphæðin er árangur áheitasöfnunar WOW Cyclothon en í henni safna keppendur og aðstandendur þeirra árlega fyrir góðu málefni. Skúli Mogensen og Magnús Ragnarsson, stofnendur keppninnar, afhentu ávísunina í húsnæði Björgungarsveitar Hafnarfjarðar að viðstöddum meðlimum hennar.

Þór Þorsteinsson, varaformaður Slysavarnafélagsins Landsbjargar, sagði við tilefnið: „Við erum afar stolt að hafa verið valin til að taka við þeim áheitum sem safnað var af WOW Cyclothon í ár. Framlög eins og þessi eru starfi Landsbjargar afar nauðsynleg enda eru bæði umsvif og ábyrgð félagsins mikil og rekstrarkostnaður í samræmi við það. Íslenskt samfélag hefur treyst á starf Landsbjargar í mörg ár og við treystum einnig mikið á að samfélagið styðji  við bakið á okkur. Okkar starf mun njóta góðs af þessu framlagi.“

WOW Cyclothon er ekki eingöngu hjólreiðakeppni því samkeppnin á milli liða um að safna sem flestum áheitum er einnig mikil. Sigurvegarar áheitakeppninnar  var lið CCP en þau söfnuðu 1.651.000 krónum og hlutu allir liðsmenn gjafabréf frá WOW air að launum. Í öðru sæti var lið Aero Mag með 1.410.000 en þeim tókst að safna tíu þúsund krónum meira en lið Opinna kerfa – Creditinfo sem var í þriðja sæti með 1.400.000 krónur safnaðar. 

Það má segja að það hafi verið lið CCP sem kom, sá og sigraði í WOW Cyclothon 2017 því auk þess að sigra áheitakeppnina komu þau fyrst í mark í B flokki karla þar sem 10 manna lið keppast til sigurs.  Sigurvegarar í öðrum flokkum voru Team Cannondale GÁP Elite í A flokki, XY Cycling í B flokki kvenna, Team TRI í B flokki blönduðum og bandaríkjamaðurinn Peter Coljin í einstaklings flokki.

Til baka Hringdu



Gerast bakvörður