04.03

:-)
:-)

04.03

Skemmtifundur Vörðunnar verður haldinn í Koníaksstofunni á Rauða Ljóninu, Eiðistorgi, mánudaginn 8. mars kl. 19.00.

Þá ætlum við að klæða okkur að kúrekasið; borða hamborgara með frönskum, drekka kók úr gleri, með lakkrísröri og dansa línudans.

Jói danskennari kemur og kennir okkur línudans.

11.02

Prjónakaffi í Gaujabúð laugardaginn 13.02 kl. 11. Heitt á könnunni.

11.02

Aðalfundur Vörðunnar var haldinn mánudaginn 08.02 í Gaujabúð. Á fundinum var kjörinn nýr formaður Þórdís Pétursdóttir sem tekur við af Petreu Jónsdóttur sem situr áfram í stjórn ásamt Ástu Kristjónsdóttur, Báru Jónsdóttur, V.Eddu Benediktsdóttur og Sólveigu Kristinsdóttur. Góð mæting var á fundinn og gestur að loknum venjulegum aðalfundarstörfum var Jóhanna Kristjónsdóttir sem flutti erindi um líf Arabíukvenna. Mjög fróðlegt og skemmtilegt erindi hjá henni. Á meðfylgjandi mynd má sjá hina nýju stjórn. F.v. Sólveig, Bára, Ásta, Þórdís, Birna og Petrea.

11.02

12. desember s.l. hélt Björgunarsveitin Ársæll uppá 10 ára sameiningarafmæli björgunarsveitanna Alberts af Seltjarnarnesi og Ingólfs úr Reykjavík. Við það tilefni afhenti Slysavarndardeildin Varðan sveitinni pening sem ætlaður var í kaup á nýrri pressu sem nýtist köfunar og rústarbjörgunarhópum sveitarinnar. Á myndinni má sjá Petreu formann Vörðunnar og Harald frá Ársæli með nýju pressuna. Er það von Vörðunnar að pressan eigi eftir að koma sér vel í framtíðinni.

08.02

Slysavarnarkonur hafa í mörg ár fært grunnskólanum góðar gjafir sem stuðla að auknu öryggi barna. Föstudaginn 05.02 færðum við Mýrarhúsaskóla 60 endurskinsvesti fyrir yngstu börnin.

Það eykur öryggi barnanna mikið í ferðum á vegum skólans. Þau sjást vel í skammdeginu en einnig er auðveldara fyrir starfsfólk skólans að hafa yfirsýn yfir hópinn þegar allir eru komnir í gulu vestin.

26.01

Aðalfundur Vörðunnar verður mánudaginn 08. febrúar kl.20:00 í Gaujabúð. Venjuleg aðafundarstörf og að þeim loknum mun Jóhanna Kristjónsdóttir rithöfundur og blaðamaður koma á fundinn og ræða  um "Líf arabíukvenna" menningu og hefðir. Bráðskemmtilegt erindi hjá Jóhönnu. 
Félagar hvattir til að mæta og taka með sér gesti.

12.01

Ánægjulegt að vita til þess að hjartastuðtækið sem Slysavarnadeildin Varðan gaf Íþróttamiðstöðinni á Seltjarnarnesi kom að góðum notum þegar maður á besta aldri fékk hjartaáfall við æfingar í World Class á Seltjarnarnesi 11.01.10, sjá frétt á mbl.is http://mbl.is/mm/frettir/innlent/2010/01/12/var_veitt_hjartahnod_eftir_hjartaafall_i_raektinni/?ref=fpmestlesid

08.10

FRÉTTABRÉF

SLYSAVARNADEILDIN VARÐAN

Seltjarnarnesi

Stofnuð 15. nóvember 1993

www.landsbjorg.is/vardan

Október 2009

08.10

Félagsgjöld vegna starfsársins 2009-2010