Menu
logo
Vörukarfa
0
Opna körfu
Samtals 0 kr.

Fréttir

01
Nov
Neyðarkall 2012
Þeir sem hafa taugar til Vopnafjarðar og vilja styrkja unglingastarf Vopna geta lagt inn 1500 kr. á reikning 100 í banka 0178 og kennitala 491100-2220 og senda staðfestingu á vopni@vopnafjordur.is og setja í skýringu neyðarkall og við sendum þér kall.
 
Þann 1.-3. nóvember fer fram sala á Neyðarkalli björgunarsveitanna. Ég vil vekja athygli þína á því að hagnaður sölunnar rennur beint til unglingadeildar Vopna og munu unglingarnir okkar ganga í hús og selja.
 
Hver björgunarsveit er rekin sem sjálfstæð eining, þinn stuðningur mun því skila sér í að efla viðbragð og starfsemi björgunarsveitarinnar á þínu svæði. Á Íslandi eru um 100 björgunarsveitir með um 3000 sjálfboðaliðum í viðbragðsstöðu allt árið. Þær munu halda áfram að standa vaktina sama hvernig vindar blása, en til þessa að rekstur þeirra sé mögulegur þá treysta þær á þinn stuðning. Neyðarkallinn kostar það sama og í fyrra 1.500 kr.
 
Við treystum á þinn stuðning. Kv. Jón Sigurðarson formaður Vopna.
05
Jun
Sumarhappadrætti Vopna 2012
Um leið og við birtum vinningsnúmerin í happadrættinu okkar þá viljum við þakka ykkur kærlega fyrir veittan stuðning á liðnum árum. Það kostar mikið fé að reka björgunarsveit í dag og hefur sá kostnaður stór aukist á undanförnum árum og því er ykkar stuðningur svo mikilvægur.
Fyrir hönd stjórnar Vopna - Jón Sigurðarson.
 
1.Veiðidagur á laxasvæði Hofsár á góðum tíma að verðmæti 90.000 miði nr. 236
2.Gjafabréf frá Héðni HF að verðmæti 75.000 miði nr. 193
3.Gjafabréf frá Málningarþjónustu Ingólfs Arasonar að verðmæti 50.000 miði nr.84
4.Gjafabréf frá Mælifelli að verðmæti 50.000 miði nr. 171
5.Ferðagasgrill frá N1 að verðmæti 35.000 miði nr. 373
6.Gisting f.2 með morgunverði á Grandhótel Reykjavík að verðmæti 26.000 miði nr.227
7.Helgarpakki frá Bílaleigu Akureyrar að verðmæti 26.000 miði nr. 156
8.Gisting f.2 með morgunmat á Icehotel Akureyri að verðmæti 22.000 miði nr. 188
9.Gjafakort frá Steyney að verðmæti 20.000 miði nr. 35
10.Gjafabréf frá Húsasmiðjunni að verðmæti 20.000 miði nr. 366
11.Olíuskipti hjá Bílum og Vélum að verðmæti 17.000 miði nr. 284
12.Olíuskipti hjá Bílum og Vélum að verðmæti 17.000 miði nr. 70
13.Senseo kaffivél frá Kauptúni að verðmæti 15.900 miði nr. 67
14.Gjafapakki frá Kjarnafæði að verðmæti 15.000 miði nr. 389
15.Gjafabréf frá Vopnafjarðarhrepp í Lyfsölu að verðmæti 15.000 miði nr. 278
16.Gjafabréf frá Vopnafjarðarhrepp í Lyfsölu að verðmæti 15.000 miði nr. 205
17.Gjafabréf frá Bræðrum á Snyrtistofunni Hafblik að verðmæti 15.000 miði nr. 291
18.Lambskrokkur frá Sláturfélagi Vopnfirðinga að verðmæti 15.000 miði nr. 72
19.Gjafabréf fyrir 4 i Jarðböðin við Mývatn að verðmæti 10.000 miði nr.368
20.Gjafabréf frá Hárgreiðslustofunni Solo að verðmæti 10.000 miði nr.78
21.Frosin ýsa í boði HB Granda hf. að verðmæti 8.280 miði nr. 296
22.Frosin ýsa í boði HB Granda hf. að verðmæti 8.280 miði nr. 36
23.Gjafabréf frá Bautanum Akureyri að verðmæti 3.000 miði nr. 59
20
Apr
Fjölskyldudagur - Sumardagurinn fyrsti.

Sumardagurinn fyrsti var í gær og þá er blásið til fjáröflunar fyrir björgunarsveitina og þar eru konurnar í slysavarnadeildinni Sjöfn fremstar flokki. Fjölskyldudagur var yfirskriftin á dagskránni í gær þar sem Einherji sá um leiki og þrautir fyrir framan Félagsheimilið og þar í kring. Fyrst var samverustund í Vopnafjarðarkirkju þar sem börnin voru máluð í framan og ýmisleg skemmtilegt gert. Efir sprellið á bílaplaninu var Vopni með rjúkandi vöfflur og hrikalega góðar skúffukökur handa öllum. Konurnar í Sjöfn höfðu bakað hrikalega magnaðar tertur og voru með kökubasar en þetta var allt gert til að standa við bakið á björgunarsveitinni Vopna. Stjórn Vopna vill koma fram þakklæti til allra sem komu og styrktu gott málefni og einnig þeim frábæru dugnaðarforkum slysavarnardeildar Sjafnar, þeim verður seint full þakkað fyrir allt sem þær gera í þágu samfélagsins.

16
Feb
Aðalfundur Vopna 2012
Aðalfundur björgunarsveitarinnar Vopna verður haldinn í Vogabúð Vopnafirði 23.febrúar 2012. Klukkan 20:30.
Nýir félagar velkomnir.
Dagskrá: Venjuleg aðalfundarstörf.
Stjórnin.
13
Feb
112-dagurinn
112 - einn einn tveir dagurinn var haldinn hátíðlegur á Vopnafirði eins og víðar um landið í dag. Allir Viðbragðsaðilar á Vopnafirði komu saman upp í slökkvistöð og héldu saman upp á daginn og buðu upp á kaffihlaðborð en slysavarnarkonur sáu um kræsingarnar eins og þeim er einum lagið. Farinn var einn hringur um bæinn á þeim tækjum sem tiltæk eru hér og er það glæsilegur floti sem við höfum yfir að ráða. Þegar hringnum var lokað upp í slökkvistöð var stóð öllum það til boða að skoða tæki og tól og var það mjög vinsælt af yngri kynslóðinni eins og gefur að skilja. Slagorð dagsins er 112: Ekki hika – hringdu til öryggis.

07
Dec
Börnum gefið endurskinsmerki og neyðrakall.
Í morgun fóru fulltrúar frá björgunarsveitinni Vopna og Slysavarnardeildinni Sjöfn í alla bekki grunnskólans á Vopnafirði og gáfu börnunum endurskinsmerki og Neyðarkall. Þessar heimsóknir eru hluti af árlegum forvarnarverkefnum slysavarnardeildarinnar Sjafnar og Vopni fékk fyrirtækin Bílar og Vélar, Bræður ehf og Háahraun til gefa Neyðarkallana. Mikil ánægja var meðal barnanna þegar Hrönn frá Sjöfn og Jón frá Vopna komu færandi hendi í morgun. Sjáumst í umferðinni og notum endurskinsmerki.

1 - 6 af 36
1 2 3 4 5  >