Slysavarnafélagið Landsbjörg - Konu og tveimur börnum bjargað úr bíl í Gilsá
 
Menu
logo
Vörukarfa
0
Opna körfu
Samtals 0 kr.

Konu og tveimur börnum bjargað úr bíl í Gilsá

Um klukkan 16:00 var Björgunarsveitin Dagrenning á Hvolsvelli kölluð út þegar tilkynning barst um að kona og tvö börn sætu föst í bíl í Gilsá, sem er norðan Markarfljóts til móts við Húsadal í Þórsmörk. Konan hugðist aka bílnum yfir vað í ánni en var ekki komin alla leið yfir þegar bíllinn stöðvaðist. Hópur björgunarsveitafólks úr Flugbjörgunarsveitinni í Reykjavík, sem staddur var í Básum, var einnig kallaður til.

Konan beið í bílnum með börnin eftir aðstoð þrátt fyrir að töluvert flæddi inn í hann. Björgunarsveitin var komin á staðinn og búin að ná fólkinu í land um 45 mínútum eftir að útkall barst. Voru allir heilir á húfi.
 
Þessa stundina er verið að reyna ná bílnum úr ánni.
Slysavarnafélagið Landsbjörg minnir ferðafólk á að fara varlega þegar ár eru þveraðar. Þær eru oft vatnsmeiri seinni part dags, ekki síst þegar veður er gott og sól skín.
 
Myndina tók Guðrún Ósk.

Til baka Hringdu



Gerast bakvörður