Slysavarnafélagið Landsbjörg - Sátu föst á lokuðum fjallvegi
 
Menu
logo
Vörukarfa
0
Opna körfu
Samtals 0 kr.

Sátu föst á lokuðum fjallvegi

Björgunarsveitin Dagrenning frá Hvolsvelli sótti í nótt Kia Sportage smábíl sem sat fastur í skafli á Sprengisandsleið, um 80 km fyrir innan vegalokun. Var hann dreginn tvisvar úr skafli og sendur sömu leið til baka.

Í bílnum var þýskt ferðafólk, þrír fullorðnir og 7 og 9 ára börn. Fólkið sagðist hafa séð á netinu að vegurinn væri fær í október. Eftir að bíllinn festist í skaflinum hugleiddi það að ganga 14 km leið í Nýjadal og gista, þar sem þau héldu að enn væri opið.

Björgunarsveitin ók á eftir fólkinu niður að Vatnsfelli.
 
Eins og sjá má á myndunum, sem komu frá Dagrenningu, fer það ekki fram hjá neinum að vegurinn er lokaður.

Til baka Hringdu



Gerast bakvörður