Slysavarnafélagið Landsbjörg - Unglingadeildir
 
Menu
logo
Vörukarfa
0
Opna körfu
Samtals 0 kr.

Unglingadeildir

Nú má segja að ljóst sé að mikið mun reyna að umsjónarmenn og ungmenni í unglingadeildum félagsins að halda úti eins öflugu félagsstarfi á tímum Covid19 heimsfaraldurs sem mun hafa áhrif á líf okkar næstu mánuði.  Engin ein töfralausn er til og hver unglingadeild þarf að finna þá leiðir sem hentar sér og því húsnæði og umhverfi sem hún er í.  Fundir, vinnukvöld, æfingar og hópefli þurfa að fara fram með breyttu sniði innan þeirra sóttvarnareglna og fjöldatakmarkana sem yfirvöld setja hverju sinni (t.d. á  www.covid.is ). 

Hver unglingadeild þarf að hugsa út frá fjölda unglinga hvort gott sé að skipta hópnum upp, börn fædd 2005 og síðar og 2004 og fyrr og einnig ef hægt er, væri best að hafa einn umsjónarmann með hvorum hóp (fleiri ef fjöldi umsjónarmanna býður upp á það). Ef ekki eru nægilega margir umsjónarmenn svo hægt sé að skipta þeim upp að þá er í lagi að hafa einn hóp en þá skal fara eftir strangari sóttvarnareglum og fjarlægðartakmörkunum þ.e. fyrir 2004 og eldri.

Verið dugleg að nýta ykkur Facebook síður félagsins til að kalla eftir hugmyndum og leiðum til að halda unglingastarfinu gangandi, hvatningu og efla félagsandans. Notið einnig fjarfundaleiðir til að halda fundi og spjalli á milli deilda, t.d. að halda bingó eða spurningakeppni.  Hugmyndir, hugmyndir, leiðir, leiðir ............ 

 Atriði sem þarf að huga vel að:

  • Þrífa og sótthreinsa alla sameiginlega snertifleti í húsnæði
  • Hafa handspritt á áberandi stöðum
  • Hafa hanska og andlitsgrímur fyrir þá sem það vilja
  • Minna á einstaklingsbundnar sóttvarnir og mikilvægi þeirra
  • Ef fólk finnur fyrir einkennum t.d.  hósta, hita, höfuðverk, beinverkjum eða öðru sem gæti bent til smits þá alls ekki að mæta á viðburði á vegum unglingadeildarinnar
  • Setja upp fundaraðstöðu með tilliti til sóttvarnareglna og fjöldatakmarkana, sem gefnar eru út af yfirvöldum, áður en að fundur hefst (hér þarf að hafa í huga að það gilda ekki sömu fjarlægðarmörk fyrir börn fædd 2005 og síðar)
  • Merkja vel og sýnilega í húsnæði hversu margir geta verið saman inn í ákveðnum rýmum, t.d. fundarherbergi og kaffistofum
  • Hafa góða skráningu yfir unglingana á viðburðum til að auðvelda rakningu ef smit kæmi upp
  • Á  námskeiðum og æfingum þarf að passa vel að sótthreinsa allan þann búnað sem notaður er eftir hvern einstakling eða námskeið



Gerast bakvörður