Gísli Rafn Ólafsson, félagi í Björgunarsveit Hafnarfjarðar og fyrrum stjórnandi Íslensku alþjóðabjörgunarsveitarinnar, hefur gefið út á ensku bókina The Crisis Leader, sem útfæra má sem Leiðtogar á neyðarstund á íslensku. Í bókinni fjallar Gísli um það hvað þarf að hafa í huga þegar leiða á fyrirtæki eða samtök í gegnum erfiða tíma. Gísli notar sögur úr 20 ára starfi sínu með björgunarsveitum á Íslandi og við hjálparstarf erlendis til þess að gera efninu betri skil. Bókin er gefin út sem rafbók og sem kilja og hana má kaupa hjá Amazon.