Framhaldsskyndihjálp Fjarnám
mán, 22. febrúar 2021 08:00 - þri, 23. febrúar 2021 16:00

Inngangur

Námskeið þetta skal uppfylla kröfur STCW A-VI/4-1 um sjúkrahjálp (Medical First Aid).  Námsefnið miðar að því að þjálfa sjófarendur í aukinni skyndihjálp.

Bóklegi hlutinn tekinn í fjarnámi og verklegi hlutinn þegar aðstæður leyfa.

 

Framhaldsskyndihjálp

Námskeiðið hefur að markmiði að fullnægja skilyrðum um öryggisfræðslu til sjómanna til samræmis við ákvæði laga og reglugerðar. Uppbygging og efni námskeiðsins tekur mið af og fullnægir þeim skilyrðum sem sett eru í kafla A-VI/4 og töflu A-VI/4-1 í STCW-kóðanum.

 

 

Markmið námskeiðs

Markmið með námskeiðinu er að nemendur fái upprifjun og viðbótar þekkingu í meðferð sjúkra og slasaðra um borð í skipum ásamt fræðslu í flutningi slasaðra.

 

Inntökuskilyrði

Nemandi skal hafa lokið grunnnámskeiði í skyndihjálp samkvæmt kafla A-VI/1 og töflu A-VI/1-3 í STCW kóðanum. Námskeiðið er ætlað stýrimönnum og vélstjórum og þeim sjómönnum sem vilja auka þekkingu sína í skyndihjálp og sjúkraflutningi innan skips.