30 þúsund þakkir til Bakvarða - þið vitið hver þið eruð!

Við erum auðmjúk, stolt en fyrst og fremst þakklát fyrir að þið standið með okkur í hverjum mánuði. Í tilefni þessara tímamóta fórum við vítt og breitt um landið og heimsóttum nokkra Bakverði sem hafa verið með okkur frá upphafi.

Stuðningur Bakvarða er stór og mikilvægur þáttur í öllu okkar starfi. Þið standið með okkur í krefjandi aðstæðum, óblíðri veðráttu og ólgusjó og gerið okkur kleift að vera ávallt til taks ef á þarf að halda. Það er ómetanlegt.

Bakverðir eru hópur fjölbreyttra einstaklinga, um allt land og á öllum aldri. Hver einasti þeirra skiptir okkur miklu máli. Án ykkar værum við ekki það sem við erum í dag.