14.05

Í dag hafa björgunarsveitir félagsins verið kallaðar út á þremur stöðum vegna ófærðar. Eining á Breiðdalsvík sótti bíl sem sat fastur í Suðurdal, Björgunarsveitin Heimamenn á Reykhólum aðstoðaði tvo ökumenn sem fest höfðu bíla sína í snjó á Kletthálsi og sem stendur er Björgunarsveitin Ísólfur á Seyðisfirði á Fjarðarheiði í sömu erindagjörðum. Samkvæmt upplýsingum frá Ísólfsmönnum er ástandið á heiðinni slæmt, þar er hríðarbylur og skafrenningur og skyggni lítið sem ekkert. 

14.05

Fyrir skömmu komu þessir ungu herramenn úr Kvennaskólanum í Reykjavík á skrifstofu Slysvarnafélagsins Landsbjargar í Skógarhlíð og færðu félaginu 35.000 kr. Peningurinn er afrakstur áheitasöfnunar bekksins þeirra í tengslum við árlegan góðgerðadag skólans.Til að safna báru nemendurnir sjúkrabörur um miðbæ Reykjavíkur og fengu fólk til að heita á sig ákveðinni krónutölu fyrir ákveðna vegalengd. 

13.05

Björgunarsveitir Slysavarnafélagsins Landsbjargar hafa verið á ferðinni frá því í morgun. Dagurinn hófst á Hvammstanga en þar var óskað eftir aðstoð björgunarsveitarinnar kl 9:30 þar sem trampólín og aðrir lausamunir voru farnir að fjúka. Kallað var út björgunarsveitir á höfuðborgarsvæðinu til aðstoðar í Esjunni en þar hafði maður veikst á göngu og var hann borinn niður. Þyrla gæslunnar var einnig boðuð út en hún gat ekki athafnað sig vegna veðurs á svæðinu.  

Smellið á fyrirsögn fréttar til að lesa meira.