Vélarvana bátur stutt frá landi á Bjarnarnesi

5. júlí 2022 - Norðurland vestra

Rétt upp úr hádegi kallaði Landhelgisgæslan út sveitir frá Hólmavík og Drangsnesi vegna vélarvana báts sem var skammt frá landi vestur af Bjarnarfjarðarnesi. Óskað var eftir björgunarbátum á vettvang en nærstaddur bátur, Benni ST, kom honum til bjargar og dró hann til hafnar. Vélarvana báturinn hafði kastað út akkeri þar sem hann rak í átt að landi, björgunarbáturinn fylgdi þeim til hafnar.

    Þyrla Landhelgisgæslunnar var stödd við æfingar á Húnaflóa og var því fljót á vettvang. Sigmaðurinn fór um borð í strandveiðibátinn Benna sem var nærstaddur. Þar var um borð björgunarsveitarmaður sem naut hjálpar frá sigmanninum við að koma línu yfir í vélarvana bátinn.