Menu
logo

Slysavarnaskóli sjómanna

Slysavarnaskóli sjómanna er í eigu Slysavarnafélagsins Landsbjargar, en hann var stofnaður árið 1985 til að sinna öryggisfræðslu fyrir sjómenn. Námskeið skólans eru öllum opin, en á námskrá er að finna námskeið sem henta þeim sem vinna á sjó, við hafnir eða dvelja við leik og störf við ár eða vötn. Frá upphafi hefur verið lögð áhersla á fjölda afmarkaðra námskeiða, sem sniðin eru með þarfir íslenskra sæfarenda í huga.

Vorið 2005 fékk Slysavarnaskóli sjómanna, fyrstur skóla á Íslandi, vottorð Vottunar hf. til staðfestingar á að skólinn starfrækti gæðakerfi sem samræmis kröfum í ÍST EN ISO 9001:2000 gæðastaðlinum.  Vottorðið tekur til reksturs skólans til að annast fræðslu um öryggis- og björgunarmál sjófarenda, og nær það yfir hönnun, sölu og kennslu á skyldu- og sérnámskeiðum, þ.m.t. öryggisfræðslunámskeiðum samkvæmt STCW alþjóðasamþykktinni (International Convention on Standards of Training, Certification and Watchkeeping for Seafarers).

Slysavarnafélagið Landsbjörg er aðili að Alþjóðasamtökum öryggis- og björgunarskóla, International Association for Safety and Survival Training, og er skólastjóri Slysavarnaskóla sjómanna jafnframt formaður samtakanna.  Slysavarnaskóli sjómanna tók virkan þátt í Leonardo da Vinci verkefninu Securitas Mare og Securitas Mare II. Frá árinu 2012 er skólinn þátttakandi í NPP verkefninu Small Craft Emergency Response and Survival Training for Arctic Condition - SMACS

 

Slysavarnaskóli sjómanna
Sími: 562 4884
Fax: 562 4889
Netfang: saebjorg@landsbjorg.is