Á hverju ári sækja yfir 4000 félagar í Slysavarnafélaginu Landsbjörg um 400 námskeið á vegum Björgunarskólans. Allt frá rötun og fjallamennsku yfir í sérhæfða fyrstu hjálp. Nú stendur öllum almenningi til boða að sækja valin námskeið í skólanum. Fyrsta námskeiðið er hér fyrir neðan, Fyrsta hjálp. 

Á námskeiðinu er farið í grundvallaratriði er snúa að fyrstu hjálp og endurlífgun. Lögð er áhersla á að kenna þátttakendum hvað ber að hafa í huga þegar komið er að slysi. Hvernig skoða og meta á slasaðan eða veikan einstakling og hvaða skyndihjálp á að beita þar til frekari aðstoð berst. Á námskeiðinu er m.a. farið í aðkomu að slysi, endurlífgun og notkun á hjartastuðtæki, stöðvun blæðinga og fyrstu meðferð við brotum og sárum.
Athugið að forsenda fyrir námskeiðinu er að þátttaka sé næg. Þátttakendur þurfa að vera skráð áður en námskeiðið hefst og ekki er tekið við skráningum á staðnum. Ef námskeiðið er fullt er ekki hægt að bæta við fleiri þátttakendum. Þátttökugjald er ekki endurgreitt ef styttra en þrír dagar eru í námskeið og læknisvottorð liggur ekki fyrir. Eftir að námskeiðið er hafið er þátttökugjaldið ekki endurgreitt. Allar frekari upplýsingar í síma 570-5900 og á <a data-linkindex="0" title="mailto:skoli@landsbjorg.is" href="mailto:skoli@landsbjorg.is">skoli@landsbjorg.is</a>

Námskeið

Fyrsta hjálp fyrir alla