Að metta mörg hundruð munna

Suðurnes

Sjálfboðaliðar í slysavarnadeildum hafa haldið úti mötuneyti fyrir björgunarfólk við gosstöðvarnar.

Verkefni slysavarnadeilda landsins eru ekki á allra vitorði þrátt fyrir að vera órjúfanlegur hluti af starfi björgunarsveitanna.  Í lengri útköllum þar sem sýnt þykir að aðgerðir standi yfir jafnvel svo dögum skipti þá eru slysavarnadeildirnar kallaðar út til að sinna  matarþörf björgunarfólks og annarra viðbragðsaðila.

Í kjölfar aurflóðanna á Seyðisfirði í desember 2020 voru félagar í Slysavarnadeildinni Rán á Seyðisfirði kallaðar út og héldu þá opnu húsi í Ferjuhúsinu alla daga frá kl. 9 - 5.  Þangað gat björgunarfólk  og einnig bæjarbúar komið fengið að borða í hádeginu eða jafnvel bara til að fá kaffi og spjalla.  Það má því segja að þar hafi bakland björgunarsveitanna einnig virkað sem sálræn hjálp á erfiðum tímum.  Slysavarnadeildin á Seyðisfirði fékk svo góða aðstoð frá öðrum slysavarnadeildum á nærliggjandi fjörðum og reyndar alls staðar af landinu. 

Þegar eldgos hófst svo í Geldingadölum á Reykjanesi í mars 2021 var komið að Slysavarnadeildinni Þórkötlu í Grindavík að bretta upp ermar og standa vaktina.  Og það gerðu Þórkötlufélagar sannarlega með sóma.  Í heilan mánuð stóðu þær smurðu, elduðu og höfðu til nesti og bakkelsi fyrir viðbragðsaðila.  Eins og alltaf stukku aðrar slysavarnadeildir í nærliggjandi sveitarfélögum til og aðstoðuðu eins og hægt var. 

Takk fyrir að lesa söguna

Að metta mörg hundruð munna
N64° 14' 19" W-21° 49' 40"

Sjálfboðavinna í sumarfríinu

Tuttugu ár eru liðin síðan Anna Filbert gekk til liðs við björgunarsveitina Kjöl á Kjalarnesi
N64° 55' 25" W-23° 48' 48"

Í minni samfélögum hjálpast allir að

Halldór Kristinsson er Snæfellingur í húð og hár, reyndur sjómaður og skipsstjóri. Eftir fimmtán ár á sjó ákvað hann að breyta um starfsvettvang og koma í land.
N64° 50' 4" W-18° 46' 49"

30 þúsund þakkir til Bakvarða - þið vitið hver þið eruð!