Leit og björgun

Allan ársins hring landið um kring eru meira en 5.500 sjálfboðaliðar björgunarsveitanna ávallt til taks, á nóttu sem degi ef eitthvað bregður út af. Sjálfboðaliðar fá stranga þjálfun enda eru verkefni björgunarsveita fjölbreytt, krefjandi og stundum hættuleg.

Sjóbjörgun

Sjóbjörgun er stór þáttur í starfsemi margra eininga Slysavarnafélagsins Landsbjargar, sjósókn við Ísland hefur alltaf verið einn af megin atvinnuvegum okkar þó grettistaki hafi verið lyft í öryggismálum sjómanna frá stofnum Slysavarnafélags Íslands og seinna slysavarnaskóla sjómanna. Þó öryggi sjófarenda hafi verið aukið all verulega þá er áfram þörf á öflum tækjum til aðstoðar í sjávarháska.

Um 150 útköll eru á ári hverju í sjóbjörgun eða rúmlega tvö í viku í meðaltalsári hjá sjóbjörgunarsveitum félagsins. Útköllin eru ansi fjölbreytt allt frá aðstoð við vélarvana sjóför í lífbjarganir á sjó. Samstarf björgunarsveita sín á milli, samstarf við sjómenn og Landhelgisgæslu Íslands er einstaklega gott, það er ljóst að sjóbjörgun verður hluti af kjarnastarfsemi félagsins og hefur þörfin á öflum sjóbjörgunarsveitum síst minnkað þrátt fyrir aukningu á öryggi í starfsumhverfi sjómanna.

Útköll björgunarsveita að meðaltali þrjú á dag

Björgunarsveitir eru kallaðar út hátt í 1800 sinnum á ári að meðaltali. Verkefni þeirra eru fjölbreytt og oft á tíðum við krefjandi aðstæður. Yfirlit yfir helstu útköll björgunarsveitanna er að finna hér á vefnum.

Í hverju þorpi og hverjum bæ

Íslendingar búa við náttúruvá af ýmsu tagi. Því er brýnt að í hverju þorpi og í hverjum bæ sé til staðar hópur sjálfboðaliða sem bregst við af þekkingu og færni á neyðarstundu. 93 björgunarsveitir mynda þéttriðið öryggisnet um landið allt og eru sjálfboðaliðar þeirra tilbúnir að bregðast við þegar áföll dynja yfir og óhöpp gerast.

Hleður kort..

N63° 54' 16" W-22° 16' 13"

Við erum þjálfuð til að geta verið allt í öllu

Þúsundir björgunarsveitafólks hafa aðstoðað göngufólk og tryggt öryggi þeirra frá upphafi eldsumbrotanna í marsmánuði.
N66° 3' 15" W-23° 30' 58"

Stúlku bjargað úr snjóflóði á Flateyri

Skjót viðbrögð björgunarmanna í þorpinu skiptu sköpum.
N64° 7' 58" W-21° 55' 6"

Árið 2022 byrjar af krafti

Björgunarsveitir kallaðar út einhvers staðar á landinu á hverjum degi, fyrstu tvær vikurnar

Sérþekking sem skiptir sköpum

Árlega fara björgunarsveitir í rúmlega 1.500 útköll. Í erfiðum og flóknum verkefnum getur sérþekking björgunarsveitafólks skipt sköpum. Þá reynir á hæfni eins og sjóbjörgun, rústabjörgun eða þjálfun leitarhunda.

Takk fyrir stuðninginn

Aðalstyrktaraðilar okkar veita ómetanlegan stuðning

  • Icelandair
  • Vodafone
  • Olís
  • Sjóvá