Slysavarnafélagið Landsbjörg - Örugg efri ár
 
Menu
logo
Vörukarfa
0
Opna körfu
Samtals 0 kr.

Örugg efri ár

Heilsan er öllum dýrmæt, en slys geta haft langvarandi áhrif á hana. Slys hjá eldri borgurum hafa oft alvarlegri afleiðingar en hjá þeim sem yngri eru. Tölur sýna að 75% slysa hjá þeim sem eldri eru eiga sér stað innan veggja heimilisins. Ýmislegt er hægt að gera til að fyrirbyggja þessi slys, en ein einfaldasta og áhrifaríkasta leiðin er að fara yfir öryggismál heimilisins og lagfæra það sem getur skapað hættu. Algengustu slysin hjá eldri borgurum eru fallslys í svefnherbergjum eða setustofu. Flest eru tengd þáttum eins og hálum gólfum, lélegri lýsingu og lausum mottum. Afleiðingar fallslysa geta verið alvarlegar fyrir eldri einstaklinga, þau geta dregið úr líkamlegri færni og lífsgæðum. Þörf á aðstoð getur aukist auk þess sem sálræn áhrif falls eru oft töluverð.

Örugg efri ár er verkefni sem slysavarnadeildirnar standa að þar sem eldri borgurum er boðin heimsókn frá fulltrúum slysavarnadeildanna hvort heldur sem er á fundi í félagsmiðstöðvar eða á heimili. Þar er farið yfir gátlista um öryggismál og slysavarnir á heimilinu, en meðal annars er skoðuð aðkoma að heimilinu, baðherbergi og stigar.

Bæklingurinn Örugg efri ár fjallar meðal annars um heilbrigt líferni og hvernig hægt er að fyrirbyggja heimaslys.




Gerast bakvörður