Slysavarnir

Slysavarnafélagið Landsbjörg hefur alla tíð leitt slysavarnastarf í fjölmörgum málaflokkum og má þar nefna umferðaröryggi, ferðamennsku, útivist, á heimilum, hjá eldri borgurum, börnum og svo mætti lengi telja. Það forystuhlutverk er mögulegt með aðkomu fjölmargra samstarfsaðila, opinberra aðila, tryggingafélaga og fyrirtækja en ekki síst er það byggt á starfi sjálfboðaliða í slysavarnadeildum og björgunarsveitum.

Samtakamáttur einkennir starfið

Slysavarnadeildirnar hafa alla tíð verið ötular við að vinna að fjáröflunum ýmiskonar og styrkt sveitir í sinni heimabyggð. Undanfarin tvo ár hafa björgunarsveitir sem ekki búa svo vel að hafa slysavarnadeild í sinni heimabyggð einnig fengið styrki.  Má þar sérstaklega nefna Björgunarsveitina Björg á Drangsnesi, Björgunarsveitina Kára í Öræfum og Björgunarsveitina Kyndil á Kirkjubæjarklaustri sem allar fengu góða  styrki frá slysavarnadeildum víðsvegar um landið til bílakaupa.  Nú síðast fengu Björgunarsveitin Ísólfur og Slysavarnadeildin Rán á Seyðisfirði stuðning frá félögum sínum alls staðar af landinu þar sem bæði tæki og hús skemmdust í aurskriðunum í desember 2020.

Ráðstefnan Slysavarnir

Ráðstefnan Slysavarnir er haldin á tveggja ára fresti og verður næsta ráðstefna haldin haustið 2021. Til ráðstefnunnar er kallað fagfólki úr ýmsum stéttum sem vinna að slysavörnum og öryggismálum á Íslandi. Þátttakendur af öllu landinu koma saman og má þar nefna starfsfólk ferðaþjónustu, starfsfólk stoðþjónustu, fulltrúa tryggingafélaga, fulltrúa löggæslu, heilbrigðisstarfsmenn og fleiri sem láta sig slysavarnir og öryggismál varða.

Útivistarfólk og ferðamenn

Aukinn útivistariðkun, fjölgun ferðamanna í bland við síbreytilegar aðstæður hér á landi kallar á öflugar slysavarnir og fræðslu og hefur félagið staðið í fararbroddi með fjölda samstarfsaðila. Boðið er upp á fjölda námskeiða hjá Björgunarskólanum, útbúin eru myndbönd og annað fræðsluefni sem hentar mismunandi notendum. Vefurinn safetravel.is er eitt stærsta líffærið auk þess sem skjáupplýsingakerfi með yfir 100 sjónvarpsskjáum um allt land sýna upplýsingar um aðstæður á nærliggjandi svæðum.

Starfsemi slysavarnadeilda

  • 0
    Slysavarnadeildir
  • 0
    Endurskinsmerkjum dreift 2020
  • 0
    Flugeldagleraugu gefin árlega
  • 0
    Félagar í slysavarnadeildum
  • 0
    Endurskinsvesti afhent árlega

Slysavarnadeildir um land allt

Hleður kort..

N63° 59' 0" W-22° 33' 10"

Athöfn að setja upp slysavarnaslæðuna

Í æðum Kristbjargar Gunnbjörnsdóttur rennur slysavarnablóð. Hún er formaður slysvarnadeildarinnar Dagbjargar á Suðurnesjum og þar starfar systir hennar einnig. Önnur systir hennar var í slysavarnadeild í Hafnarfirði og þar starfaði móðir þeirra systra lengi vel.
N63° 50' 25" W-22° 25' 30"

Að metta mörg hundruð munna

Sjálfboðaliðar í slysavarnadeildum hafa haldið úti mötuneyti fyrir björgunarfólk við gosstöðvarnar.
N65° 41' 23" W-21° 26' 3"

Nýr björgunarsveitarbíll full fjármagnaður á tveimur dögum

Einn tölvupóstur kom af stað atburðarás sem endaði á því að fjórar slysavarnadeildir brúuðu bilið.
N66° 3' 15" W-23° 30' 58"

Stúlku bjargað úr snjóflóði á Flateyri

Takk fyrir stuðninginn

Aðalstyrktaraðilar okkar veita ómetanlegan stuðning

  • ms_hvitt